Fréttir

Þá er nýja heimasíðan okkar loksins komin í loftið. Ekki eru allar upplýsingar komnar inn sem eiga að vera á síðunni svo við biðjum ykkur um að sýna okkur biðlund á meðan við klárum að græja síðuna.

Á föstudag og mánudag næstkomandi verða útivistardagar í Grenivíkurskóla. Á föstudag fara nemendur í gönguferð og verða þeir þá að hafa með sér nesti og vera klædd eftir veðri. Á mánudaginn verður Norræna skólahlaupið og munu krakkarnir þá geta valið sér vegalengdir frá 2,5 km upp í 10 km.

Í dag miðvikudaginn 24. ágúst verður Grenivíkurskóli settur með pompi og prakt og mun Ásta Fönn Flosadóttir skólastjóri flytja þrjú frumsamin lög á klarínett!

Í dag fengum við í Grenivíkurskóla heimsókn frá Landvernd til að afhenda okkur Grænfánann í fimmta skiptið. Grænfánaverkefnið er starfrækt í yfir 60 löndum út um allan heim þar sem margar milljónir barna taka þátt. Árið 2004 byrjuðum við með verkefnið og höfum staðið okkur það vel að eftir því er tekið í skólum út um allt land.

Síðustu vikurnar hefur Stærðfræðikeppni Grunnskólanna verið í gangi út um allt land. Nemendur í 9. bekk leystu öll verkefni rafrænt fyrir nokkrum vikum síðan. Þeir sem voru meðal 100 efstu fengu svo annað verkefni rafrænt og komust tveir nemendur frá okkur í 35 manna úrslit...

Þá er komið að síðasta nemanda vikunnar í 10. bekk. Þá erum við búinn að ná viðtali við þau öll áður en þau fara frá okkur í haust.

Á þriðjudaginn og miðvikudaginn í síðustu viku héldu nemendur skólans vorskemmtun og settu á svið með leikrit um Línu Langsokk. Undirbúningur hófst fyrir nokkrum vikum síðan og var sviðið sett upp af nemendum í samvinnu við húsvörð á fimmtudeginum fyrir sýningarviku.

Sýningar: Þriðjudaginn 19.apríl klukkan 18:00 og miðvikudaginn 20. apríl klukkan 17:00. Miðaverð er 2.000 krónur fyrir 16 ára og eldri. Frítt fyrir börn á leik- og grunnskólaaldri. Ath. Ekki hægt að borga með greiðslukorti.

Um mánaðarmótin janúar/febrúar fengum við boð um að taka þátt í kóðunarkeppni grunnskólanna í Reykjavík. Þegar við könnuðum áhuga nemenda voru ekki margir sem sýndu þessu móti áhuga en einn nemandi, Friðfinnur Már Þrastarson var mjög áhugasamur enda með mikinn áhuga á kóðun og tölvum yfir höfuð.